Jaholatga qarshi Ma'rifat.

Yurtboshimiz Shavkat Mirziyoyev qayerga borsalar ushbu purma'no so'zlarni aytib xalqimizni ma'rifatli bo'lishga chaqiryaptilar. Biz ham bu chaqiruvga "labbay" deydigan vaqtimiz yetdi.
Mustabid tuzumda yetarlicha dinimizdan uzoqlashib ketdik, halol haromni farqiga bormaydigan, oxiratni o'ylamaydigan, gunohlarimizga tavba qilmaydigan holga yetib keldik.
Shu sababli ushbu forum ma'muriyatiga Islom uchun alohida bo'limni ochishni taklif berdim va ijobiy javob oldim.
Buning uchun tashakkurlarimni izhor qilaman.

Bo'limdan maqsad targ'ibot emas, siyosat yoki boshqa g'arazli narsalar emas, sof islomni qonuniy ro'yhatdan o'tgan kitoblar asosida, yurtimiz ulamolarining ma'ruzasi va maqolalari orqali tanishtiramiz, savollarga kitoblar va ulamolar oraali javob izlaymiz, ibrat va eslatmalar berib dinimizga to'g'ri kelmaydigan ishlardan ogohlantiramiz.
O'zingizni qiziqtirgan savollarni maxsus mavzularimizda yoki shaxsiy xabar orqali berishingiz mumkin bo'ladi.

Bu Muqaddas din haqida ochilgan bo'lim, bu yerda faqat ma'rifat oling, mavzulardan chetlashib, birovni haqorat qiladigan postlardan yiroq bo'ling, o'zimizni isloh qilaylik.

Alloh hammamizni to'g'ri yo'ldan adashtirmasin!