Qoraqalpoq davlat universiteti haqida gaplashamiz
Oliygoh haqida
Berdaq nomidagi Qoraqalpoq davlat universiteti T.G.Shevchenko nomidagi Qoraqalpoq davlat pedagogika instituti asosida 1976 yili tashkil qilindi va keyinchalik universitetga Nukus davlat universiteti nomi berildi.
Qoraqalpog'iston Respublikasi Joqarg'i Kengesining 1992 yili 25 yanvardagi 274-qarori bilan Berdaq nomidagi Qoraqalpoq davlat universiteti deb qayta nomlandi.
O'zining ko'p yillik tarixiga ega Qoraqalpoq davlat universiteti oldingi tayyorgarlik bo'limi (1934 y.), o'qituvchilar instituti (1935 y.), pedagogika instituti (1944 y.) kabi bosqichlarni bosib o'tgan Qoraqalpoq davlat pedagogika instituti asosida tashkil qilinib, Respublikamizdagi etakchi oliy o'quv o'rni bo'lib hisoblanadi.
Universitet butun O'zbekiston bo'yicha fan, ta'lim va xalq xo'jaligida yuqori bilimli mutaxassislar tayyorlaydigan bilim maskanlaridan biriga aylandi.
1990 yilga kelib respublikadagi birdan bir oliy o'quv o'rni bo'lgan Qoraqalpoq davlat universitetining pedagogika fakultetlari bazasida hozirgi Ajiniyaz nomidagi Nukus davlat pedagogika instituti, Toshkent davlat axborot texnologiyalar universiteti Nukus filiali, Toshkent agrar universiteti Nukus filiali va Toshkent pediatriya institutining Nukus filiallari alohida bo'linib chiqdi.
Universitet sayti: www.karsu.uz