SINOVLI DUNYO

Omad qushing ketsa boshdan uchib,
Ketarkan do'stu-yor sendan kechib,
Qolmagin birodar hech ham cho'kib,
Bularning barchasi sinovdur axir,
Odamzot kelgandur sinovga asli.

Quvmagin boylikning ortidan hech,
Uchmagin iblisning makriga hech,
Iymoning butlagin bo'lmasdan kech,
Bularning barchasi sinovdur axir,
Odamzot kelgandur sinovga asli.

Qadriga yetgin sen Ota-Onangni,
G'animat bilgin sen bu kunlaringni,
Qalbingdan tozala g'uborlaringni,
Bularning barchasi sinovdur axir,
Odamzot kelgandur sinovga asli.

Beshikdan to qabrgacha ilm izla,
Nohaqlik yo'lidan yurmagin sira,
Bandasidan emas, Allohdan so'ra,
Bularning barchasi sinovdur axir,
Odamzot kelgandur sinovga asli.