Oliy ta’lim vazirligi Enrike Iglesiasning konserti uchun Alisher Usmonovga minnatdorlik bildirdi
O‘zbekiston oliy va o‘rta maxsus ta’lim vazirligi rossiyalik milliarder Alisher Usmonovga maktub yo‘llab, unda xonanda Enrike Iglesiasning Toshkentga taklif etilishiuchun minnatdorlik bildirdi. Bu haqda Xalqaro press-klub vakillari ma’lum qildi.“Hurmatli Alisher Burhonovich, O‘zbekistonda jahon estradasining yorqin ovozi — Enrike Iglesiasning konsertini tashkil etganingiz uchun sizga ulkan minnatdorlik bildiramiz”, — deb boshlanadi xat.
“Bizga beg‘araz asosda taqdim etilgan chiptalar davlat stipendiyalari sohiblariga aylangan iqtidorli talabalar hamda ota-onasiz talabalar orasida tarqatildi. O‘z ishtiroki bilan ular yangi taassurot va ilhomga ega bo‘ladi, bu esa madaniy-ma’naviy rivojlanish uchun muhimdir”, — ta’kidlanadi oliy ta’lim vazirligi murojaatida.
“Yordamingiz — mamlakatimizda xayriya ishini rivojlantirishga qo‘shilgan bebaho hissa. Bu ota-onasiz talabalarga g‘amxo‘rligingiz va e’tiboringizni his etishga yordam beradi. Ota-ona mehrisiz qolgan talabalar muammolariga befarq munosabatda bo‘lmaganingiz uchun samimiy tashakkurimizni aytamiz”.
Vazirlik maktubining oxirida yoshlar orasida sog‘lom turmush tarzi va bo‘sh vaqtni mazmunli o‘tkazishni targ‘ib etish bo‘yicha hamkorlikni davom ettirishga umid bildirib qoldi.
Oldinroq Enrike Iglesiasning o‘zi Facebook’dagi rasmiy sahifasi orqali Toshkentdagi konsert uchun chiptalar sotilayotganini ma’lum qilgan edi.