Sitemap o’zbek tilida «sayt xaritasi» degan ma’noni anglatadi.
Sitemap ko’pchilik saytlarda mavjud bo’ladi, ammo uning saytda bo’lishi majburiy hisoblanmaydi.

Odatiy shaharlar yoki davlatlar xaritasi singari sayt xaritasi ham foydalanuvchilarga saytning barcha ma’lumotlarini umumiy nazar bilan kuzatishga, saytdagi foydalanuvchiga kerak bo’lgan ma’lumotni osonroq topib olishiga yordam beradi.

Saytlarda sitemap ko’pincha linkli mundarija ko’rinishida aks ettiriladi. Bunda saytning bo’limlari, sahifalari, asosiy qismlari ma’lumotga olib boruvchi link ko’rinishida tasvirlanadi. Uning asosiy maqsadi sayt tuzilmasini foydalanuvchiga yaqqolroq ko’rsatish hisoblanadi.

Bundan tashqari faqat qidiruv mashinalari uchun mo’ljallangan maxsus XML xaritalar ham bor. Ularda saytning barcha bo’limlari, sahifalari va maqolalari birma-bir ko’rsatiladi hamda shu yo’l bilan qidiruv mashinalari robotlari uchun sayt ma’lumotlarini, qurilishini yaxshiroq indeks qilishga erishiladi. Bu saytning ommalashuvida muhim o’rin tutganligi sababli ko’pchilik sayt egalari, shu jumladan o’zim ham, saytning XML xaritalariga e’tiborli bo’lishadi.

XML xaritalar generatsiya qilinadi. Bugungi kunda qidiruv mashinalari uchun saytingiz XML xaritasini tayyorlab beruvchi bepul online xizmatlar mavjud.
Har qanday maqsadda bo’lsa ham saytingizda xaritalardan foydalanish uni yaxshiroq tartiblashga hamda foydalanuvchilar va qidiruv mashinalari robotlari uchun oson topishga sharoit yaratgan bo’lasiz.