O'zbekiston MTJni Marokashga 4 nafar murabbiy olib boradi

* * *

vval xabar berilganidek, O'zbekiston milliy terma jamoasi 23 va 27 mart kunlari Afrikaning ikkita kuchli terma jamoasi Senegal va Marokash bilan safarda o'rtoqlik o'yinlari o'tkazadi.
Yuqoridagi har ikki terma jamoa ham JCH-2018 yo'llanmasini qo'lga kiritgan.
Mana shu o'yinlarga futbolchilarni saralab olish, ularni tayyorlash va olib borish va murabbiylar shtabini shakllantirish uchun O'zbekiston milliy terma jamoasiga Temur Kapadze vaqtinchalik bosh murabbiy vazifasini bajaruvchi etib tayinlangandi. Temur Kapadzeda hali murabbiylik tajribasi yo'qligini inobatga olgan holda, O'zbekiston futbol associaciyasi 1-vice-prezidenti Umid Ahmadjonov tomonidan tuzilgan tajribali mutaxassislardan iborat murabbiylar kengashi Temur Kapadzega O'zbekiston milliy terma jamoasini bo'lajak o'rtoqlik o'yinlariga tayyorlashga yordam beradi.

Murabbiylar kengashidan “Bunyodkor” klubi ustozi Mirjalol Qosimov, “Paxtakor” bosh murabbiyi SHota Arveladze va “Nasaf” jamoasi bosh murabbiyi Ro'ziqul Berdiev joy olgan.

O'zbekiston milliy terma jamoasiga chaqirilgan futbolchilar avval Toshkentda yig'inni boshlashadi, keyin esa Mirjalol Qosimov, SHota Arveladze, Ro'ziqul Berdiev, Temur Kapadzedan iborat murabbiylar kengashi boshchiligida Marokashga yo'l olishadi.