Spinnerlar Yevropa Ittifoqida xavfli mahsulotlar ro'yxatiga kiritildi
Manba: kun.uz
Yevropa Ittifoqida xavfli mahsulotlar ro'yxati tuzildi, bu ro'yxatga spinner ham kiritildi. Bu haqda Yevropaning shubhali mahsulotlar haqida tezkor ogohlantirish tizimi tomondan e`lon qilingan 2017 yil uchun hisobotda aytilgan.
Hisobotda aytilishicha, spinnerlar, ayniqsa chiroqlari bor modellari bolalarga ziyon yetkazishi mumkin. Bu spinnerlarda qo'llanuvchi tugma shaklidagi batareyaning bola tomonidan yutib yuborilishi ichak va qizilo'ngachda kuyish jarohatlariga olib kelishi mumkin. Shuningdek, spinnerlarning oson ajraluvchi mayda qismlari ham xavflidir.
Mutaxassislarning qayd qilishicha, ushbu qurilmalarni vaqti-vaqti bilan buzilishlari bor-yo'qligiga tekshirib turish, kichik bolalar esa bu o'yinchoqlarni kattalar nazorati ostida o'ynashlari lozim. Shuningdek, mutaxassislar spinnerlarni duch kelgan joydan sotib olmaslikni va ularni xarid qilishda o'tkir kimyoviy hid va shovqin chiqarishiga e`tibor qaratishlari lozim. Sifatli spinnerlar shovqin chiqarmasdan ishlaydi.