[i]МEН КАБИ СEВ Ҳуснинг шайдо қилди мени, Сен ҳам мени мен каби сев. Ой-у юлдуз билди сен...

Postga havola

Ali AVFO Xujandiy

МEН КАБИ СEВ

Ҳуснинг шайдо қилди мени,
Сен ҳам мени мен каби сев.
Ой-у юлдуз билди сени,
Осмонлардек чексиз сев

Юрагимни ол майлига,
Занжирбанд мен ёр кўнглига.
Айтар сўзим бир лайлига,
Фақат мени мен каби сев.

Озор берма ҳаста дилга,
Ўзи азоб тортмоқдадир.
Айланайлик бир кўнгилга,
Айирмасдан бизни тақдир.

Юлдуз санаб тунлар ўтди,
Қалб тубида тонглар отди.
Сендан энди нима кетди?
Лайли каби чин дилдан сев.

Гул узардим сенга танлаб,
Шеърларимни сенга атаб.
Энди бир бор менга қараб.
Севишингни билдириб сев.

Пинҳон эрур муҳаббатинг,
Юрагимга олов ёқдинг.
Менман ўша сени баҳтинг.
Ширин, Зуҳра севганча сев.
2016й
© Шерзод БУРХОН

« Mavzuga qaytish