Mavnuniyat ila UzFor ahliga o'zimning shaxsiy blogimni tanishtirsam.

Man 2012-yildan e'tiboran ijtimoiy tarmoqlardagi sahifalarimda o'zim yozgan maqolalarni joylashtirib borardim. Ulardan aksariyati nufuzli futbolga va shou-biznesga ixtisoslashgan saytlarda ham chop etilar edi.

Kunlardan bir kuni, Odnoklassnikidigi statuslar arxividan o'zim yozgan bir tahliliy maqolani uzoq vaqt qidirdim va topishga juda qiynaldim. Ana o'sha kuni chundimki man ko'plab maqolalar (fikrlar) yozmoqdaman. Ammo ularning hammasi ijtimoiy tarmoqlarda qolib ketmoqda. Boshqa saytlarda e'lon qilinganlari ham ana shu saytlarning arxivlarida yuzlab boshqa maqolalar orasida.

Shundan kelib chiqib o'zim yozgan maqolalarning aksariyatini jamlashga kirishib 2015-yilning yanvarida ushbu blogimni ochganman.

Bugunga qadar 300 dan ortiq maqolalar blogimga joylangan bo'lib saytimga 150 000 dan ziyod o'quvchilar tashrif buyurishgan.

Maqolalarning ko'p qismi be vosita qalamimga mansub bo'lib agar orasida boshqa saytlardan olingan yangiliklar bo'lsa albatda manba ko'rsatib o'tilgan.