Блогерлар чемпионатининг ҳакамлари билан танишинг!
2018 йилнинг 12 апрель куни старт бериладиган Блогерлар чемпионати жамоатчиликда катта қизиқиш уйғотаётгани ва қизғин муҳокамаларга сабаб бўлаётгани бизни хурсанд қилмоқда. Ўйлаймизки, чемпионат кутилганидан ҳам кескин курашлар, соғлом рақобат руҳида ўтади ва асосийси муштарийлар ажойиб блоглардан баҳраманд бўлишади.
Блогерлар чемпионатининг барча босқичлари натижаси ҳакамлар ҳайъатининг баҳолари асосида чиқарилади. Яъни биринчи босқичдан иккинчисига ўтувчилар ҳам, иккинчи босқичдан финалга чиқувчилар ҳам, финал босқичи ғолиб ва совриндорлари ҳам фақатгина ҳакамларнинг баҳосига кўра аниқланади. Ҳакамлар ҳайъати Блогерлар чемпионати ташкилотчилари томонидан тайинланган малакали мутахассислар жамоасидан иборат.
Таъкидлаш жоизки, чемпионатга ҳакамликка мутахассисларни жалб қилишда бир қатор мезонларни ҳисобга олишга ҳаракат қилинди. Энг аввало, блогерликнинг ўзига хос томонларини ҳисобга олиб, ҳакамликка турли ёш ва соҳадаги инсонларни таклиф қилдик. Улар орасидан блогер, колумнист, иқтисодчи, депутат, ахборот технологиялари мутахассиси, педагог, молиячи, ҳуқуқшунос, биолог каби касб вакиллари ўрин олган. Умид қиламизки, ҳакамлар ҳайъати чемпионатнинг ҳар томонлама адолатли, холис ва савияли ўтиши.
Демак, қуйидаги мутахассислар Блогерлар чемпионати иштирокчиларининг ижодий ишларини баҳолаб боришади:
Саид-Абдулазиз Юсупов— Ўзбекистон мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди директори, ҳакамлар ҳайъати раиси;
Ҳакамлар ҳайъати аъзолари (рўйхат алифбо тартибида):
Абдумалик Носиров— АКТ мутахассиси;
Адҳам Отажонов (Абу Муслим)— «Islom.uz», «Quran.uz» сингари йигирмадан ортиқ диний-маърифий сайтлар ташкил этган.
Бахтиёр Шералиев— Биолог-ихтиолог/генетик, блогер (Хитой);
Беҳзод Қобулов— журналист;
Ботиржон Шерматов— ҳуқуқшунос, «ЛексМобайл» юридик фирмаси асосчиси (Россия);
Давронбек Тожиалиев— « Ziyouz.com» портали асосчиси, блогер;
Иноятхон Садикова— блогер. 2014 йили ўтказилган Блогерлар чемпионати совриндори;
Мансур Тангишев— молиячи-эексперт, «Finansist.uz» ахборот-таҳлилий сайти асосчиси;
Мақсуд Асқаров— «Kun.uz» интернет-нашри таъсисчиси — «Web expert» МЧЖ директори;
Мақсуд Саломов— ҳуқуқшунос, блогер. 2015 йили ўтказилган Блогерлар чемпионати ғолиби;
Нодир Зокиров— видеоблогер (АҚШ);
Расул Кушербаев— Олий Мажлис Қонунчилик палатаси депутати;
Олимжон Солижон ўғли— ўқитувчи;
Соҳиба Ҳайитбоева— журналист/блогер (Россия);
Тўлқин Юсупов— АКТ мутахассиси/молиячи;
Уйғун Ғофуров— Тошкент ислом институти директори;
Умид Ғафуров— «Troll.uz» лойиҳаси асосчиси, блогер;
Шерзод Шерматов— Инновацион ривожланиш вазири ўринбосари;
Шунқор Чориев— тележурналист;
Қаҳрамон Асланов— иқтисодчи, «Tribuna.uz» сайти ходими, спорт журналисти.