O'zbekiston Super ligasi: pflmanager.uz
Anglya Premyer ligasi: eplmanager.com

* * *

O'YIN QOIDALARI

JAMOA TUZING
£100 mln. byudjetni ishlatib Angliya premyer-ligasining 15 nafar futbolchisidan jamoa tuzing. Jamoada quyidagi amplua vakillari bo'lishi kerak:

2 darvozabon, 5 himoyachi, 5 yarim himoyachi, 3 hujumchi

Siz bitta klubdan 3 nafardan ortiq futbolchi tanlay olmaysiz.

NOM TOPING
Jamoa tuzilgach unga nom qo'ying. Jamoa nomini barcha ko'radi va u jadvalda ko'rinadi.

Shundan so'ng telefon raqamingizni kiriting, biz sizga o'yinga kirish uchun parolni SMS orqali yuboramiz. Parolni saqlab qoling yoki eslab qoling. Keyinroq parolni profilda o'zgartirish mumkin.

Diqqat: siz ko'rsatgan telefon raqami boshqa foydalanuvchilarga ko'rinmaydi.

JAMOANI BOSHQARING
11 nafar asosiy tarkib futbolchilarini tanlang, ular sizga ochko keltiradi. Zaxiradagi futbolchilar avtomatik o'zgarish amalga oshmaguncha ochko olmaydi (pastga qarang). Sardorni tanlang: uning ochkolari 2 barobar ko'payadi.

Futbolchilarning maydondagi joylashuvi avtomatik amalga oshiriladi, har bir ampluada minimal talablar bajarilishi kerak: 1 darvozabon, 3 himoyachi, 2 yarim himoyachi va 1 hujumchi.

Jamoadagi barcha o'zgarishlar, taktik o'zgartirishlar bo'ladimi yoki transferlarmi barchasi dedlayngacha amalga oshirilishi lozim, ya'ni turning birinchi o'yinidan 1 soat oldin.

Agar asosiy tarkibdagi futbolchilardan kimdir haqiqiy o'yinda maydonga tushmagan bo'lsa, u avtomatik tarzda zaxirada birinchi turgan futbolchiga almashadi (zaxira ketma-ketligini o'zingiz aniqlaysiz). Shunday qilib, zaxiradan tushgan futbolchining ochkosi qo'shiladi. E'tibor qiling, sardorlik xususiyati zaxiradagi futbolchiga o'tmaydi.

Avtomatik o'zgarishlar turning barcha o'yinlari tugaganidan so'ng amalga oshadi.

TRANSFERLAR
Jamoa tuzgach transfer bozorida ularni sotish va sotib olish mumkin. Birinchi tur dedlayniga qadar transferlar soni cheklanmagan. Keyingi turlarda bepul transferlar soni bittani tashkil qiladi. Ishlatilmagan transfer keyingi turga o'tmaydi va kuyib ketadi.

Bepul transferga qo'shimcha ravishda tangalar orqali qo'shimcha transferlarga ega bo'lish mumkin.

Siz transferlarni tasdiqlagach ularni bekor qila olmaysiz.

FUTBOLCHILARNING NARXLARI
Futbolchilarning transfer narxlari mavsum davomida ularga bo'lgan talabga qarab o'zgarib boradi.

Jamoaingizdagi futbolchining transfer narxi o'zgarishini EPL Manager saytida ko'rish mumkin ("Transferlar" sahifasi, "Jadval" bo'limi): BN - boshlang'ich narx (futbolchini sotib olingan narx), HN - futbolchining hozirgi narxi, SN - sotuv narxi (futbolchini sotishingiz mumkin bo'lgan narx). Agar hozirgi narx (HN) boshlang'ich narxdan (BN) oshgan bo'lsa, u holda sotuv narxi (SN) farqning yarmiga ko'payadi. Masalan, siz futbolchini £5 mln.ga sotib oldingiz, uning narxi £7 mln.gacha oshdi, uni siz £6 mln.ga sota olasiz. Agar aksincha bo'lsa, siz futbolchini £7 mln.ga sotib olgan bo'lsangiz, uning narxi £5 mln.ga tushgan bo'lsa, siz uni faqat £5 mln.ga sota olasiz

"Maydon" bo'limida (ya'ni maydonning o'zida) va EPL Managerning mobil ilovasida siz futbolchini hozir sota oladigan narxingiz (sotuv narxi) ko'rsatiladi.

LIGALAR VA SOVG'ALAR
Jamoaingiz tuzilgach avtomatik tarzda Global ligaga va davlatingiz ligasiga qo'shiladi (davlatingiz siz kiritadigan raqam kodi orqali avtomatik aniqlanadi).

Bundan tashqari siz shaxsiy liga yaratishingiz va unga do'stlaringizni taklif qilishingiz mumkin. Siz ushbu liga qachon boshlanib qachon tugashini o'zingiz hal qilasiz. Ya'ni siz belgilagan kundan boshlab barchaning ochkolari noldan hisoblana boshlanadi.

Siz sovrinli va homiylik ligalarida ham ishtirok eta olasiz. Ushbu ligalar yaratilgan paytdan boshlab ochkolar hisoblanadi shu bois barchada QIMMATBAHO SOVG'ALAR uchun kurashish imkoniyati mutlaqo teng bo'ladi!

Sovrli va homiylik ligalarida qatnashish uchun profilni to'ldirish lozim. Bu ma'lumotlar boshqa foydalanuvchilarga ko'rinmaydi va faqat sovg'a yutib olganda sizni topish uchun xizmat qiladi. Sovg'alar yuk tashish xizmati yoki profilda yozilgan manzilga oddiy pochta orqali yetkaziladi.

Ochkolar tengligi: jamoalarning ochkolari teng kelib qolsa (yoki o'rin) quyidagi jihatlarga e'tibor qilinadi:

1. Ko'proq urilgan gol.
2. Ko'proq golli paslar.
3. Qizil kartochkalarning kamligi.
4. Sariq kartochkalarning kamligi.
5. Barchasi teng bo'lib qolsa - qur'a yordamida.

manba: O'YIN QOIDALARI bo'limidan