Уйга вазифа
Устозим Элёр Жўраевнинг шеърларидан ритм ўрни ҳақида изоҳлаб бераман.

Осон эмас соғинчзадалик,
Айроликни бурдалолмайсан.
Менсиз майли яшаб кўр жоним,
Унутишни уддалолмайсан.

"Кетаман...!"-лаб қолдинг ўзгариб,
Мендан зўрин топгин ахтариб,
Бахт қасримиз ташла ағдариб,
Ёлғизликни уддалолмайсан.

Тақдир кулса қувнайди кўзинг,
Кечикмасдан қайтиб ол сўзинг,
Кўнглинг тўлмас, ўйлаб кўр ўзинг --
Менсизликни уддалолмайсан.

Кетолмайди фикринг узоққа,
Жиловлайди ёлғон тузоққа,
Синган сабринг қўйма дўзохга,
Хаётингни уддалолмайсан.

Мен ёмонни "бегим!"-дегансан,
Бағритошдан баттар экансан,
Гумонлардан кўп зериккансан,
Битта ўзинг уддалолмайсан.

Аёл - эркак жуфтдир азалдан,
Кечиб бўлмас сендек гўзалдан,
Афзал кўрма мени ғазалдан ,
Шеър ёзиб ҳам уддалолмайсан.

Мендек сочинг силолмас ҳеч ким,
Шундай қилсанг шароблар ичгум,
Сендан эмас, ўзимдан кечгум --
Хиссизликни уддалолмайсан.

Кел, иккимиз эплаймиз ишон,
Умидимиз бўлсин бир нишон,
Элёрингни қилма паришон,
Битта ўзинг уддалолмайсан.

...Кўнглинг тўлмас, ўйлаб кўр ўзинг --
Менсизликни уддалолмайсан!

Шеър моҳирлик билан қалам оралаб қоғозга ўралган. Шеърда ритм ва вазн аъло даражада ўқувчига етказиб берилган. Шеърнинг биринчи ва охирги бандидан ташқари қолгани а, а, а, б, Биринчи банд а, б, а, б (а, б) қофиясига асосланиб ёзилган. Вазни ҳам маромида. Энди қофия турларини айтмасам ҳам бўлар? Барчаси 9 бўғиндан ўз қаторини тўлдириб турибди. Туроқланиши 4+5

Менимча ҳам шеърда ритм бўлмаса у шеър эмас, ҳалқ мақоли ёки ҳикоядан фарқи қолмайди! Шеърнинг гўзаллиги ҳам қофия, ритм, вазн, туроқланишида.

© Шерзод БУРХОН