WapMaKeR, # WapMaKeR (03.08.2018 / 22:36)
100$ dan ortig'iga to'lanadi degan qonun chiqdi, ammo kuchga kirgan kirmaganidan xabarim yo'q.Sotuvchi bilan gaplaship tovar narxini pasro ko'rsattirsa bo'larmikin?
8 soat 22 daqiqa 22 soniyadan keyin yozdi:
Қонунчиликдаги_янгиликлар

Ўзбекистон Республикаси божхона ҳудудига жисмоний шахслар номига халқаро почта ва курьерлик жўнатмалари орқали келаётган товарлар назоратини таъминлаш чора-тадбирлари тўғрисидаги Президент қарори қабул қилинди.

Қарорга мувофиқ почта алоқаси операторлари ва провайдерлари томонидан давлат божхона хизмати органларини жисмоний шахслар номига халқаро курьерлик жўнатмалари орқали келаётган товарлар ҳақида мажбурий равишда хабардор этиш тартиби жорий этилди.

Шу муносабат билан Ахборот технологиялари ва коммуникацияларини ривожлантириш вазирлигига бир ой муддатда халқаро курьерлик жўнатмалари орқали келаётган товарлар ҳақида давлат божхона хизмати органларига олдиндан электрон тарзда хабар бериш тизимини жорий этиш вазифаси юкланди.

Бундан ташқари қарор билан почта алоқаси оператори ва провайдерлари томонидан халқаро курьерлик жўнатмалари орқали жисмоний шахслар номига келаётган товарлар тўғрисида олдиндан электрон тарзда хабар беришда давлат божхона хизмати органларига тақдим этиладиган маълумотлар рўйхати тасдиқланди.

Халқаро почта ва курьерлик жўнатмалари орқали юридик шахслар номига келаётган қиймати 100 (юз) АҚШ долларига тенг бўлган товарлардан божхона тўловлари ундирилмайди.