ASTA U TOMON QARAYMAN

Bunchalar u nafis bo'lmasa,
Meni ado qilib qo'ymasa,
Faqat buni o'zi bilmasa,
Asta u tomon qarayman.

Chamandagi gullar hayrondur,
Usiz hatto bog'lar vayrondur,
Muhabbatsiz ishq armondur,
Asta u tomon qarayman.

Nigohida ma`no yashirin,
Samoda oy bo'ldiku to'lin,
Topolmayin ko'ngil sirin,
Asta u tomon qarayman.

Hurmi bu yo gulmikan deya,
Ayting qaydan kelgan u deya,
Yo Rabbim bu kim ekan deya,
Asta u tomon qarayman.

Ishqsiz oshiq hayoti shu,
Dartlarimning davosi bu,
Kimlar ne desa ham shu,
Asta u tomon qarayman.
2 daqiqa 32 soniyadan keyin yozdi:
ASIR BO'LDIM NIGOHLARINGGA

Ta'rifing bir afsona seni,
Cho'kay mayli hayollaringga,
Ishqing etib parvona meni,
Asir bo'ldim nigohlaringga.

Qaniydi tutolsam qo'lingdan,
Ketardim seni olib yiroqqa,
Ammo bugun tushib tuzoqqa,
Asir bo'ldim nigohlaringga.

Atrofingda giryona bo'ldim,
Muhabbatsiz begona bo'ldim,
Taqdir ekan netay ko'nib,
Asir bo'ldim nigohlaringga.

Har kun seni ko'rsam ham,
To'ymas edim diydorlaringga,
Mag'rur bo'lib yursam ham,
Asir bo'ldim nigohlaringga.

Izhorim aytay senga takror,
Sevgingsiz dilga yetdi ozor,
Seni ko'rgan chog'i Sardor,
Asir bo'ldi nigohlaringga.