Internetda 773 mln ta elektron pochta adresi va 22 mln ta paroldan iborat ma’lumotlar bazasi joylashtirildi. Bu haqda kompyuter xavfsizligi bo‘yicha mutaxassis Troy Xant ma’lum qildi.

The Wired nashrining ta’kidlashicha, bu o‘g‘irlangan ma’lumotlar saqlanuvchi eng yirik bazalardan biridir.

Xantning ma’lum qilishicha, 87 gigabayt hajmga ega, “Kollektsiya № 1” deb atalgan papka MEGA bulutli xizmati va “ommaviy xakerlar forumida” joylashtirilgan. To‘plam, ko‘rinishicha, turli yillarga tegishli turli manbalardan olingan.

U akkauntlarlarni o‘g‘irlashda qo‘llash uchun yaratilgan bo‘lishi mumkin: xakerlar biror saytni tanlab, bazadan avtomatik ravishda kombinatsiyalarni qo‘yib ko‘radi. Odamlar ba’zan bir xil login va parollarni qo‘llashi sababli, jinoyatchilar ularning akkauntlari ustidan nazoratni qo‘lga kiritishga muvaffaq bo‘ladi.

Sizning pochta adresingiz “Kollektsii № 1” bazasida bor-yo‘qligini Xantga tegishli “Have I Been Pwned?” saytida tekshirishingiz mumkin.

Manba: https://kun.uz/news/2019/01/17/pochtangizni-buzib-kirilganlikka-tekshiring-xakerlar-773-mln-ta-pochta-adresi-va-22-mln-parolni-elon-qilishdi