Ўзингизни шундай тутингни, ҳамма жойда сизни бажону дил қабул қилишсин.
Дўст орттириш йўлларини билиш учун нимага айнан ушбу китобни ўқимоқ лозим ? Балки дунёдаги энг машғур дўст орттиришга устакорларинг тутган йўлларини ўрганмоқ жоиздир ? Ким ўзи у? Сиз уни ҳатто эртага, кўчада учратишингиз мумкун. Унга бир неча қадам яқинлашганингиз зағотиёқ, думларини ликиллата бошлайди. Агар тўхтаб уни силасангиз борми, севинчи ичига сиғмасдан турли нағмалар билан сизни қанчалар яхши кўришини намойиш қилади.
Унинг ўзини бу қадар боғлиқлигини кўрсатиш ортида ҳеч қандай хуфёна мақсадлар, дейлик, бирон-бир кўчмас мулкни сотиш ёхуд сизга уйланиш каби шахсий манфаатлари йўқлигини жуда яхши англаб турасиз.

Яшаш учун мехнат қилиш керак бўлмаган ягона жонивор - ит эканлигини хеч ўйлаб кўрганмисиз? Мисол учун, товуқ - тухум қўйиши, сигир - сут бериши, канарейка эса сайраши лозим. Итнинг яшаш учун чекадиган заҳмати сизга ўз мехрини беришда.