Kashanda sigaretani tashlash kerak degan fikrga qanchalik erta kelsa, bu uning va atrofidagilarning salomatligi uchun shunchalik yaxshi.

«AiF» nashri chekishni iloji boricha tezroq tashlash uchun 5 ta muhim sababni to`plashga muvaffaq bo`ldi.

Shunday qilib,chekishni tashlash…

Vaqtingizni va pulingizni tejaydi. O`rtacha kashanda sutkasiga 20 dona sigareta chekadi,bitta sigaretaga taxminan 3 daqiqa sarflanadi, ya`ni u kuniga bir soat, yiliga esa 365 soat vaqtini yo`qotadi. Bu bir yilda 15 kunni, ya`ni ikki haftalik ta`tilni tashkil etar ekan. Bundan tashqari, sigaretalardan haftasiga, oyiga, yiliga qancha pul tejash mumkinligini ham hisoblash qiyin emas. Bu pulga o`zingiz anchadan beri xohlayotgan, biroq negadir sotib olishga botinmayotgan buyumingizni xarid qilishingiz mumkin.

Uzoq umr ko`rasiz. Tibbiy tadqiqotlarga ko`ra, kashandalik insonning 7-10yillik umriga zomin bo`lar ekan. Kashandalik ko`zi ojizlik, emfizema, katarakta, karlik, surunkali bronxit, gipertoniya, miokard infarkti, kardioskleroz, stenokardiya, surunkali gastrit, karies, oshqozon va o`n ikki barmoqli ichak yarasi, arteriyalar va venalar trombozi, bepushtlik,
impotensiya, parodont kasalliklari, shilliq pardalar yarasi, sistit va hokazo kasalliklarni keltirib chiqarishi endi hech kimga sir emas. Saraton esa tamaki chekish holatlarining 90%da rivojlanadi. Ushbu kasallik turlari ichida burun chuqurliklari saratoni, og`iz bo`shlig`i saratoni, oshqozonosti bezi saratoni, buyrak saratoni, ko`krak bezi saratoni ko`p uchraydi. Boshqa onkologik kasalliklar orasida o`pka saratonidan o`lish holatlari tez-tez qayd etiladi.
Aytganday, kashandalik etkazadigan zararni kamaytirishning iloji yo`q. Sigareta tutunida 19 ta kanserogen modda bo`lib, kashanda engil yoki mentolli sigaretalarni sotib olganida ham, kuniga bir dona sigareta chekkanida ham, ularning barchasi kashandaning organizmiga tushadi.

Tashqi qiyofangiz yaxshiroq ko`rinishiga va “anqibturmasligingizga” ta`sir qiladi. Kashandadan tamaki hidi kelib turishi shubhasiz, bu hatto ba`zidakashandaning o`ziga ham yoqmaydi. Bunda hamma narsadan – kiyimlar, soch, teri va og`izdan tamaki hidi “anqib” turadi. Tamakining hidi faqat ikki kun chekilmagan taqdirdagina yo`qoladi. Shuningdek, kashandalik kishining tashqi qiyofasiga salbiy ta`sir ko`rsatadi – tishlar, tirnoqlar va teri sarg`ayadi, ajinlar soni ko`payadi va bu “kashandaning yuzi” sindromiga olib
keladi. Sigaretalar tarkibidagi moddalar teri kollageni va elastini tolalarini buzadi, natijada u so`lg`in bo`lib qoladi, tarangligini yo`qotadi. Tomirlar torayishi natijasida tirnoq to`qimalariga vitaminlar va minerallar etib bormaydi, oqibatda, ular sarg`ayadi, qatlamlarga ajraladi va sinadi. Sochlar ko`rimsiz holatga keladi. Sigaretalardan voz
kechish kosmetolog huzurida bepul bo`lishga tengdir. Sigaretalarni tashlaganingizdan
keyin bir oydan so`ng chehrangiz rangi o`zgarganini ko`rasiz, xususan, ba`zi bir teri muammolari, tishlar va tirnoqlardagi sarg`ayishlar yo`qoladi. Bundan tashqari, tamakidan voz kechish uyquni yo`lga solishga ham yordam beradi.

Hayot uchun xatardan xalos etadi. Oddiy kashanda chekish uchun tanaffus qilish vaqtinio`tkazib yubormaslikka harakat qiladi. U yurgan yo`lida chekishi mumkin, bu bilan
o`pkaga tushadigan yuklamani oshiradi. Mashina rulida chekayotganida yo`ldan chalg`iydi,
bu esa avtohalokatga olib kelishi mumkin. Statistika ma`lumotlariga ko`ra,
uylardagi yong`inlarning uchdan bir qismi o`chirilmagan sigaretalar tufayli sodir
bo`lar ekan.

Atrofingizdagi odamlarni qutqaradi. Har yili passiv kashandalik tufayli kelib chiqqan kasalliklardan dunyo bo`lab 600 000 kishi vafot etadi. Tamaki tutuni kashandaning
barcha oila a`zolari va shunchaki uning yonida bo`ladigan odamlar uchun zararli.
Havoga chiqariladigan tutunda kashanda ichiga yutadigan tutunga qaraganda
kanserogen moddalar miqdori yuqori bo`ladi. Tutunga to`lib ketgan xonada 8 soatdan
ortiq vaqt bo`lish esa beshdan ortiq sigaretani chekish bilan teng. Aynan shu bois
hozir jamoat joylarida chekish taqiqlanmoqda.

P. S. Kashandalarni yana qanday ko`ngilsizliklarkutmoqda?
Kashandalar 2-4 marta ko`proq psoriazga chalinadi.
Kashandalik erkaklarda impotensiya xavfini oshiradi.
Kashandalar 1,7 marta ko`proq kar bo`ladi.
Kashandalik homiladorlik paytida turli asoratlarga olib keladi.
Kashandalik ko`zi ojizlik sababchisiga aylanishi mumkin, bu bilan, ayniqsa, keksalar o`zini xatarga qo`yadi.
Chekuvchi erkaklarda o`g`il farzandlar 2 marta kamroq tug`iladi.
Bepushtlik holatlarining 13% kashandalik tufayli kelib chiqqan.
Kashandalar chekmaydiganlarga qaraganda 53% ko`proq ajrashadi.
Kuniga bir qutidan ko`proq sigareta chekuvchi kishilarning “IQ”si chekmaydiganlarga qaraganda 10 ballga past.