O'zbekistondagi mobil operatorlar ichida birinchi bo'lib Beeline haqiqiy cheksiz internet taqdim etdi va yana ancha arzon narxda!

"Cheksiz internet" takliflari chiqqaniga ancha bo'lgan. Lekin ularda har doim mayda shriftda, * bilan yozilgan shartlar bor. Masalan:

Ucell'dan Drive tarifi - "cheksiz internet", lekin kunlik yuqori tezlik limiti - 200MB. Undan keyin esa tezlik 64 kbit/s gacha tushadi. Tarif narxi esa - 50000 so'm.

MobiUz ( UMS ) "Absolut" tarifi deyarli mutlaqo "cheksiz tarif", lekin yuqori tezlik limiti - 50 000MB. Narxi esa - 631 552,5 so'm. Hozirda bu tarif arxivda.

Uzmobile "Royal" tarifi - "cheksiz internet", lekin oylik yuqori tezlik limiti - 100 000 MB. Undan keyin tezlik 128 kb/s gacha pasaytiriladi. Tarif narxi esa - 149 900 so'm.

Va nihoyat, endi Beeline'dan haqiqiy cheksiz internet, yuqori tezlik limiti yo'q. Tezlikda o'zgarish yo'q. Xizmat narxi arzon - 50000 so'm oyiga. To'g'ri bu yerda ham o'ziga yarasha shartlar bor. Ulardan biri bu xizmat faqat 4G tarmog'ida ishlashi bo'lsa, ikkinchisi siz bu simkarta orqali Wi-Fi tarqatib qolganlarga internet ulasha olmaysiz.

Bu xizmatni albatta o'zimga yoqib oldim. 4G tarmog'ida umuman trafik ketmayapdi, kuniga 20-30 GB ishlatgan kunlarim ham bo'ldi. Oddiy Wi-Fi tarqatish yoki USB modem sifatida ishlatish mumkin emas, shunchaki ishlamaydi. 4G Modem orqali kompyuterga qo'yib ishlatish mumkin yoki smartfonda 4G tarmog'ida ishlatasiz.

Xizmatni yoqishdan oldin *24# USSD kodi orqali sizning qurilmangiz va SIM kartangiz 4G tarmog'ini qo'llab quvvatlashini aniqlab oling. Xizmatning bir kunlik varianti ham bor, lekin u 10000 so'm. Yana bir muhim ma'lumot: xizmat avtomatik tarzda yoqilmaydi. Muddat tugagach uni qaytadan yoqishingiz kerak. Aks xolda e'tiborsizlik bilan barcha trafik va hisobdagi pulsiz qolishingiz mumkin.

---

4G UNLIM: https://beeline.uz/uz/4g-unlim

Manba: https://notfound.uz/cheksiz-internet/

Manbada rasmlar bilan ko'rsatilgan. Agar savollar bo'lsa javob berishga harakat qilaman.