ISSIQ HAVO HAQIDA

Issiq havo qalbni qizdiradi, badanni bo‘shashtirib g‘ovaklantiradi. U o‘t safrosining sasishi, burundan qon ketishi, qon suyulishi, boshog‘riq va o‘tkir isitma kasalliklariga sharoit tayyorlaydi. Tabiiy mijozi issiq kishilar uchun hamda tabiiylikdan chiqqan mijozi sovuq kishilar uchun issiq havoning zarari kamroq. Kishida uning teskarisi bo‘lsa, ko‘p zarar ko‘radi, ehtiyotkorlik bilan saqlanish va o‘zini himoya qilish kerak. Shuningdek, ular bosh og‘rig‘i va burundan qon ketishiga chalinishlari mumkin. Sovuq - nam badan egalari yengil bosh og‘rig‘iga, diqqinafaslikka, bo‘g‘imlarning zaiflashuviga hamda harakatlarning qiyinlashuvi kabilarga uchraydilar. Ular mo‘'tadil bo‘lgunlaricha davolanishadi.
Davosi: kishiga ushbu issiq havo zarar qilgan bo‘lsa, unga qizilgul suvi hidlatish zarur, yuzi, ikkala oyog‘i va ikkala qo‘li sovutilgan gul suvi yoki sovuq suv bilan chayiladi va nordon narsalar yediriladi. Yuragiga semizo‘t gulining suvini paxta yoki dokaga ho‘llab bog‘lanadi, sovuq mijozli gul hamda xushbo‘y narsalar hidlatiladi. Havoning yomon ta'siri ko‘pincha qalbga ta'sir qiladi, bunda olma yeyish kishilarga yaxshi manfaat keltiradi.