• Sharaf — nodir, kamyob narsa qimmat bo‘ladi.
• Chin do‘stingga nomusdan boshqa har narsangni fido qil.
• Harom non tishni sindiradi.
• Tazyiq bor joyda adolat bo‘lmaydi.
• Devorni nam, insonni g‘am yiqitar.
• Umid — faqirlarning nonidir.
• Bir masxaraboz bilan kulgandan oqil bilan yig‘lagan afzal.
• Kuyov — bol, farzand — tuz. Taomning bolsiz yesa bo‘ladi, tuzsiz yeb bo‘lmaydi.
• Aql cho‘ntakda emas, boshda.
• Harom boylikdan halol qashshoqlik afzal.
• Tulki qopqonga tushgan bo‘lsa ham tovuqdan ko‘z uzmaydi.
• Birovning otidan yo‘l yarmida tushishga to‘g‘ri keladi.
• Xayr qidir — u oltindan qimmat.
• Qalbi mastning duosi Xudoga yetib bormaydi.
• Ko‘pgina nok va’da qilingan joyga kichkina savat bilan bor.
• Bo‘riga otarga yaqinlashgan payti baqir.
• Yaxshi odam barchaga yaxshilik qiladi, hech kimga maqtanmaydi.
• Ikki marta o‘ylab, bir marta gapir.
• Haqiqiy do‘st qiyin zamonda bilinadi.
• Soxtalikning oyog‘i qisqa.
• Insonga o‘z bolasidan ko‘ra totli hamda achchiq ne’mat yo‘q.
• Oq aqcha qora kunga yaraydi.
• Aqlli dushman aqlsiz do‘stdan afzal.
• Otilgan o‘qni qaytarib bo‘lmaydi.
• Birovga qabr qazima — o‘zing tushasan.
• Bir gul bilan yoz kelib qolmaydi.
• Bir qo‘ltiqqa ikki tarvuz sig‘maydi.
• Bir tosh bilan devor tiklanmas.
• Mayli katta-katta ye, lekin katta-katta so‘zlama.
• Tog‘ tog‘ bilan qovushmas, inson inson bilan qovushar.
• Tilning suyagi yo‘q, lekin suyakni teshadi.
• Cho‘chqa och bo‘lsa ham, to‘q bo‘lsa ham xurxurlaydi.
• Egri o‘tirsang ham to‘g‘ri gapir.
• Haromdan kelgan haromga ketar.
• Har tog‘ning o‘z og‘irligi bor.
• Suv tin oladi, dushman tin olmas.
• Ko‘p bilgan ko‘p dard chekar.
• Shirin so‘z temir eshikni ochar.
• Qo‘shnining tovug‘i katta tuxum qo‘yadi.
• Ochiq qo‘l bilan ilon tutilmas.
• Daryo oqar — qum qolar.
• Arzon go‘shtni ko‘ppaklar ham yemaydi.
• Avval daraxtni ko‘r, so‘ng ostiga o‘tir.
• Kim bilan bo‘lsang o‘sha kabisan.

Makedonlar — Makedoniyaning (sobiq Yugoslaviyaning Makedoniya Respublikasi) asosiy aholisi (1,29 million kishi, 2014). Avstraliyada (200 ming kishi, 2008), Italiyada (92 ming kishi, 2009), Germaniyada (68 ming kishi, 2008), AQShda (57 ming kishi, 2008), Turkiyada (31 ming kishi, 2001) yashaydi. Umumiy soni 2 million kishi. Makedoniyada taxminan 1,63 million kishi makedon tilida so‘zlashadi. Dindorlari — pravoslavlar, sunniy musulmonlar ham bor.