Hazilomus bólsa ham buni ogohlantirish deb biling!!!
———————————
Stavkachilar ko'chasi
Mana bolam, mahallamizdagi boylar ko'chasiga ham keldik. Bu ko'chani nomi Stavkachilar. Bu yerda turli sport o'yinlariga pul tikadigan odamlar yashaydi.
Faqat ular sport o'yinlari uchun pul tikmaydilar. Ular o'z obunachilariga taxlil(prognoz)larini sotishadi.
Prognozlari to'g'ri chiqsa ham, chiqmasa ham bu shovvozlar doim daromad olishadi.
- iye qanday qilib, axir noto'g'ri prognoz olgan odam ular bilan qaytib ishlamaydiku!
- Bolam, loxlar ko'p va ular hammaga yetadi. Oson pul olish niyyatida bo'lganlar suvaraklardek tez ko'payishadi va kapalakdek tez o'lishadi. Aynan shu qisqa davr ichida stavkachilar ulaning bor pullarini tortib olishadi.
- Jumanazar aka(mahalla komisiyani nomi shunaqa edi), to'liqroq tushuntirib bera olasizmi?
- Albatta bolam. Axir shuning uchun seni yetaklab yurayapmanku.
Sport stavkalariga turli bukmeker kontoralar orqali pul qo'yib ishlanadi. Ya'ni garov o'ynaladi. Bu usul 100% tavakkal bo'lgani uchun daromadi ham yuqori bo'ladi. Aynan shuning uchun oson pul topish ilinjida bo'lgan odamlar shu ishga qo'shilib qoladi.
Bu spektaklda bukmeker, o'yinchi va uchinchi shaxs - KAPER ishtirok etadi.
Kaperlar senga bugungi o'yinda kimning g'olib bo'lish ehtimoli yuqori ekanligini taxmin qilib berishadi. Aynan shu taxmin(prognoz)larini senga sotishadi.
Hozir telegramda turli "yangi boy"lar stavkalar orqali boyib ketishganini aytib odamlarni bu ishga jalb qilishadi. Lekin, ularning o'zi hech qachon pul tikishmaydi. Bilasanmi nega? chunki trenerlar o'ynamaydi!
- Unda ularga pul qayerdan keladi?
- Yaxshi savol bolajonim. Birinchidan ular prognozlarni yopiq kanalda yozishadi. Yopiq kanalga a'zo bo'lish esa pullik.
Yana bir qiziq tomoni, bukmeker saytlarda hamkorlik qilish bo'limi bor. Unga ko'ra, sen shu saytga olib kelgan har bir odamingni mag'lubiyatidan 40% yoki 30% olasan.
Yopiq kanalga a'zo bo'lish - haftasiga 100.000 so'm.
Obunachi stavkada yutsa - kaperning reputatsiyasiga plyus. Yutqazsa, hamyoniga ?.
Ular uchun ko'proq obunachilarni yutqazishi muhimroq.
O'rtacha 100.000 so'm tikib o'ynasayu yutqazsa kaperga 40.000 so'm bonus. Jami 1 ta obunachida 140.000 so'm.
Obunachilar 100 ta bo'lsa, 1 o'yinda 14.000.000 so'm yutib olishadi. Bu kamidaaa....
- Voy nomardlarey. Unda qanday qilib kanalga yutuqga erishgan obunachilarning yozishmalarini qo'yishadi?
- Eh bolam, soddasandaa. Sodda. Birinchidan montaj qilish ish emas. Agar kaper aqlliroq bo'lsa, 3 ta yopiq kanal ochib qo'yadi va 3 tasiga 3 xil prognoz beradi. Ya'ni: yutish, yutqazish, durrang.
O'yin tugagandan so'ng albatta 3 tasidan bittasi aniq to'g'ri chiqadi. Ana shu to'g'ri chiqgan jamoadagi obunachilarni skrinini kanalga joylaydi.
- Yutqazganlarchi? Ularni holi nima bo'ladi?
- Ular bolam, fillar o'lkasiga o'tkaziladi. Ya'ni unutiladi. Ko'pincha, yana bir bor omadini sinab ko'rishni taklif qilishadi. Obunachi bosh tortsa puliga uxlaydi.
Eng qizig'i ular militsiyaga ham habar bera olmaydi. Chunki, noqonuniy qimor o'yinida ishtirok etishgan.
Mana shunaqa bolaginam. Har qanday sharoitda ham pul ishlay oladigan odamlar mana shular hisoblanadi.
- Nima ham derdim, Jumanazaraka. Qoyil sizga, qoyil.
- Ho'sh, sayrni davom ettiramizmi???

Manba: soccerlife.uz
Men copy qilgan manba: uzforuz telegram guruhi
————————————
BU MAVZU FAQAT BU POST UCHUN EMAS!
Forumdoshlarni ogohlantirish uchun ochilgan!

P.S.: Lentaga chiqibdi, post qoldirishim kerak deb off-topic qilmanglar "iltimos!".

Maqola menga yoqdi , 1xbet o'ynamasligim uchun menga yana bir turtki bo'ldi. Shu maqolani saytimda xam chiqaraman. Gap yoq omad

Кимдур сизга пул эвазига интернетдан пул топишни ўргатаман деса, жааа ишонвороврманг. Агар буни ўзи билганида ўша ишни ўзи қилаверарди ? Сизга буни пул эвазига ўргатмоқчими? Демак бу ерда кейс бошқа
(c)

Саёхат учун скидкалар қилиб берадиган мўъжизавий харом пирамида бизнесини таклиф қилишяпти.
Олдиндан 50 - 1200$ доллар тўларкансиз.
Кейин яна шунақа ахмоқларни изларкансиз.
Кейин ўша ахмоқларни дўпписини сизга кийдиришаркан.
Сиз скидка олдим деб ўйларкансиз.

*

Ишга кириш учун олдиндан пул сўрашяптими - аферани биринчи аломати.
Хатто гигант Гуглга ишга киришга пул сўрашмайди!

*

Энг зўр таом - ўз пулинга олинган таом.

*

Бир бирини кийдириш "Гербалайф" компаниясидан бошланганди.
Пирамида учидагилар миллионер.
Пастдагилар сталбама сталба эълон ёпиштириб юришади.
Зўр иш бор, миллионер бўлиб кетасан.
Шу мўжизавий дорини 50$ га олсанг.

*

Пирамида бизнесини тушунтириб бераман.
1. Энг арзон хом ашё танланади.
Масалан денгиз коралларини кукуни ёки ганодерма.
Компанияга упаковкаси билан 2$ га айланади.
Кураторларга 20$ дан тарқатилади.
Кураторлар оёғи остидагиларга 25$ дан тарқатади.
Оёқ остидагилар бошқа оёқ остидагиларга 32$ дан тарқатади.
Хуллас пирамидани тагида, сиз ахмоқ бўлиб корал кукунини ёки ганодерма махсулотини 140$ долларга оласиз.
Кейин ақли расо доктор айтади:
- Кукундан бир тийинлик фойда йўқ, сизни кийишибди дейди.
Ошқозонингизни ахлат билан тўлдирганингиз билан табриклайман!

*

Аферани иккинчи аломати:
Оғизни кўпиртириб ўша дори, ёки ўша компания мақтанилади.
Типа энг идеал дори ва энг идеал даромад ва энг идеал компания.
Ходимларни Тайлантда юрган кўрсатилади.
Албатта!
Одамларни алдаб бой бўлганидан кейин!

*

Энг яхши медецина - суннатга эргашиш.
Энг яхши даромад - ёлғон аралашмаган ва бировни алдаб, ишга опкириб, уни пулини олиб, бола чақасини боқмаган иш.

*

Билинг!
Кўп даромадли бизнес бегонага тарқатилмайди!
Ғирт бегона одам, сизга раво кўрдим деса, билинг, ғирт ёлғон.
Яхши бизнесга қаримдошларни тиқиб қўйишади.
Бегона нега керак?
Соққасини шилиб олиш учун!

*

Дўстингдан пул сўрасанг бермайдику, ғирт бегона зўр соққали ишни сенга раво кўрадими ?

***

Икки соат қизиқтириб, охири пул сўрадими?
Кетига тепиб хайданг!
Ўша пулда уни доляси бўлмаса, сизга вақт сарфламайди муттахам.

*

Мен буларни ёзишимдан максад нима?
Инсонларни харом нарса хакида огохлантириш.
Хеч кайси компанияда шахсий адоватим хам йук, бировни бизнесига аралашмокчи хам эмасман!

manba: @biznes_maktabi [tg]
217 kun 23 soat 21 daqiqa 22 soniyadan keyin yozdi:
? «SMS» Фитна

«...агар бу хабарни бешта одамга юборсангиз мўъжиза содир бўлади, юбормасангиз балога дучор бўласиз.»

Охирги пайтлар интернет оламида, ижтимоий тармоқларда шунақа СМСлар кўпайиб кетди. “Содда” кишилар дарҳол бунга ишониб, СМС тарқатишга тушиб кетишади. Бу иймон сустлигининг ва илмсизликнинг оқибатидир...

Аллоҳ таолога иймон келтирган ва таваккал қилган киши ҳеч қачон унинг тақдирини аллақандай бир СМС ўзгартиришига ишонмайди. Бу Ислом душманларининг бир фитнаси бўлиб, улар бундай СМСларга Аллоҳнинг, пайғамбарларнинг номларини, диний ибораларни қўшиб юборадилар. Албатта, бу ёлғон СМСлар ҳеч нарсани ўзгартирмайди, аммо, энди шунга ишонган “содда” кишиларнинг қалбида Аллоҳга, пайғамбарларга, динга нисбатан шубҳа пайдо бўлади, “ахир ваъда қилинган нарса содир бўлмади-ку?” деб иккилана бошлайди, иймони сусайиб кетаверади...

Азизлар, кўп содда бўлмайлик, бундай СМСларга ишонмайлик ва уларни тарқатмайлик, ўзимиз истамаган ҳолда дин душманларига кўмакчи бўлмайлик.Барибир тақдиримизда ёзилганидан бошқаси бўлмайди!

Расулуллоҳ соллаллоҳу алайҳи васаллам айтганларки: «Ким менинг номимдан қасддан ёлғон гапирса, ўзига дўзахдан жой ҳозирлаб олаверсин» (Бухорий ривояти).

Шундай экан, бундай хабарларни тарқатишни бас қилайлик. Ёлғон хабарлар тарқатиб, ўшалардан бўлиб қолмайлик.

Шу тўрт қатор гапни тарқатаман деб, ўзини нақадар даҳшатли азобларга дучор қилаётган бу гумроҳларга шу гап кифоя қилармикин? Буниси бизга қоронғу. Аммо умид қиламизки, буни билмаган бўлишса, энди билиб, кўзлари очилар. Биз уларни дуоибад қилмаймиз, балки уларга инсоф тилаймиз, токи бу дунёда тавба қилишга улгуриб қолишсин.

Азизлар динимизни ҳар хил таг-туби номаълум, чаласавод саҳифалардан ёки гуруҳма-гуруҳ айланиб юрадиган турли варақалардаги матнлардан эмас ишончли манбалардан ўрганайлик.

Дўстларингизга ҳам эслатиб қўйинг!

? Муслим кундалиги ✍

манба: @iMusulman telegram kanali